Pseaulme Treiziesme à ung verset pour couplet à chanter

Usquequo Domine oblivisceris.

Argument: Après plusieurs batailles perdues, il se plainct, de ce que Dieu tarde tant à le secourir: puis le prie luy donner la joye de victoire obtenue. Pseaulme pour chefz de guerre infortunez. 

Jusques à quand as estably
Seigneur, de me mettre en oubly?
Est ce à jamais? pour combien d'aage
Destourneras tu ton visage
De moy, las, d'angoisse remply?

Jusques à quand sera mon coeur
Vaillant, conseillant, practiqueur,
Et plein de souci ordinaire?
Jusques à quand mon adversaire
Sera-t-il dessus moy vainqueur?

Regarde moy, mon Dieu puissant,
Respons à mon cueur gemissant,
Et mes yeux troublés illumine.
Que mortel dormir me domine
Dessus moy quasi perissant.

Que celluy, qui guerre me fait,
Ne dye point, je l'ay deffait,
Et que tous ceux qui tant me troublent,
Le plaisir qu'ils ont ne redoublent,
Par me voir trebucher de fait.

En toi git tout l'espoir de moy
Par ton secours fais que l'esmoy
De mon cueur en plaisir se change;
Lors à Dieu chanteray louange,
Car de chanter j'auray de quoy.

Clément MAROT

Mélodie originale:
Psautier de Genève,1542,
Loys BOURGEOIS, 1547
Harmonisations:
Claude GOUDIMEL